ARPI ALTO

Հունիսի 14-ին, ժամը 19.30-ին «Արամ Խաչատրյան» համերգասրահում կկայանա հանրահայտ ջազ դաշնակահար, կոմպոզիտոր Ջոել Մարտինի «Jazzical Komitas» խորագիրը կրող երևանյան աննախադեպ համերգային երեկոն։ «Արդեան»-ը հպարտ է լինել համերգի ներկայացնողը և իրականացնել համերգասրահի ու բեմի գեղարվեստական հարդարանք-ձևավորումը։ Համերգը Արդեանի` բարի ավանդույթ դարձած մշակութային երեկոների 100-րդ թողարկումն է։

Համերգային երեկոյին կհնչեն Կոմիտաս ստեղծագործությունների յուրօրինակ մշակումներ` Ջոել Մարտինի և երեկոյի հատուկ հյուր, հայտնի ջազ երգչուհի Արփի Ալտոյի կատարմամբ։

«Արդեան»-ի թեմատիկ արվեստի գործերը` ոգեշնչված հայկական մշակույթի անզուգական տարրերով, զարդարելու են այս աննախադեպ համերգի բեմը։

Արվեստի գործերի հեղինակն է «Արդեան»-ի հիմնադիր և գեղարվեստական ղեկավար Վասգեն Բրուտյանը` Արդեանի արհեստավարժ դիզայներական թիմի հետ միասին։