
-
Ժամ
19:00
-
Վայր
Ա․ Խաչատրյան
համերգասրահ -
Արժեք
3000-12.000 ԴՐ
Ապրիլ 29, Ֆրանկոֆոնիայի օրերի փակման համերգ | Ֆորե – Ռեքվիեմ
Գնել էլ․ տոմս29 ապրիլ, 2025
Ֆրանկոֆոնիայի օրերի փակման համերգ | Ֆորե – Ռեքվիեմ
ԿԳՄՍ նախարարության աջակցությամբ, Հայաստանի պետական կամերային նվագախումբը, ՀՀ-ում Ֆրանսիայի Հանրապետության դեսպանությունը և «Institut français d’Arménie»-ն ապրիլի 29-ին՝ ժամը 19։00-ին Արամ Խաչատրյան համերգասրահում կներկայացնեն ֆրանկոֆոնիայի օրերի շրջանակում կազմակերպած միջոցառումների եզրափակիչ՝ գալա համերգը, որը նվիրվում է ֆրանսիացի կոմպոզիտոր Գաբրիել Ֆորեի 180-ամյակին։
Կհնչի Գաբրիել Ֆորեի հանրահայտ Ռեքվիեմը։
Համերգը ղեկավարելու է Հայաստանի պետական կամերային նվագախմբի գլխավոր հրավիրյալ դիրիժոր Ֆիլիպ Ամելունգը (Գերմանիա)։
Մենակատարներ՝
Էմանուել Շիմենտո (սոպրանո,Ֆրանսիա)
Աշոտ Ղանթարջյան (բարիտոն, Հայաստան)
Հայաստանի պետական կամերային նվագախումբ
Հայաստանի պետական կամերային երգչախումբ
Գեղարվեստական ղեկավար և գլխավոր դիրիժոր՝ ՀՀ ժողովրդական արտիստ Ռոբերտ Մլքեյան
Երևանի պետական կամերային երգչախումբ
Գեղարվեստական ղեկավար և խմբավար՝ Քրիստինա Ոսկանյան
Գաբրիել Ֆորեն եկեղեցական երաժշտության ուսումնարանին կից գործող դպրոցում ուսումնառության ժամանակ եղել է մեծ երգահան Քամիլ Սեն-Սանսի աշակերտը, ինչը հետագայում հիմք է հանդիսացել նրանց մտերմության համար։
Ֆորեն ստեղծագործել է իր ժամանակին տարածված գրեթե բոլոր երաժշտական ժանրերում։ Նրա գլուխգործոցն է համարվում մենակատարների, երգչախմբի և նվագախմբի համար գրված «Ռեքվիեմը» (op. 48, 1887-1890 թթ.), որն ունեցել է երեք հեղինակային խմբագրում։
Ֆորեի ռեքվիեմի քնարականությունն ու մտերմությունը անսովոր էին այս հոգևոր ժանրի համար, հատկապես օրիգինալ՝ նվագախմբային տարբերակում (1888), որը չափազանց կամերային էր իր կազմով և հնչողությամբ։
Համերգի գլխավոր հովանավոր՝
Երևանի կոնյակի գործարան՝ իր լեգենդար ARARAT կոնյակներով։
Աջակից՝ «ԱՂՎԵՐԱՆ ԱՐԱՐԱՏ ՌԵԶՈՐԹ» հյուրանոց
-
ժանր
-
Տարիքային սահմանափակում
7+