Սիրելի´ հանդիսատես, 

Ժողովրդական երաժշտության և պարի ազգային կենտրոնի Հայաստանի «Ալթունյան» պետական անսամբլը գունավառ և շքեղ համերգով կմեկնարկի 87-րդ համերգաշրջանը: 

Հիմնադրվել է 1938 թվականի մարտի 5-ին խմբավար Թաթուլ Ալթունյանի կողմից: Համահիմնադիր են եղել կոմպոզիտոր Ալեքսանդր Ալեքսանդրյանը և բալետմայստեր Էդվարդ Մանուկյանը: Անսամբլն ի սկզբանե կոչվել է Ժողովրդական երգի-պարի անսամբլ: Անսամբլը կազմված էր ժողովրդական արվեստը ներկայացնող երաժիշտներից, երգիչներից և պարողներից և միակն էր իր տեսակով ոչ միայն Հայաստանում, այլև ողջ Խորհրդային Միությունում: 87 տարի շարունակ անսամբլը մնում է ժողովրդի սիրելին և իր վաստակով պայմանավորված լեգենդար բարձունքում:

Համերգային երեկոյի ընթացքում անսամբլը կներկայացնի իր հարուստ ստեղծագործական գանձարանի անբաժան մասը կազմող ժողովրդական երգի, երաժշտության և պարարվեստի լավագույն գոհարները: 

Ստեղծագործական խմբի ղեկավար` Գարեգին Առաքելյան 

Երգչախմբի խմբավար` Գասպար Ամիրխանյան  

Գլխավոր բալետմայստեր` Նունե Գրիգորյան (Վրաստանի մշակույթի վաստակավոր գործիչ)

Պարախմբի փորձավար` Սերգեյ Մատինյան